مش عايزة غير براح.. والبراح ده أحلى من
الحرية كمان، حياة كده منطلقة وفي نفس الوقت متأمنة ومتحاوطة.. عايزة تبدع وتشتغل
وتنطلق في براح الدنيا وفي نفس الوقت تلاقي اللي يحاوطها ويحميها ويشجعها على
إنطلاقها.. عايزة تضحك وتسافر وتخرج وتقابل ناس جوه نفس البراح الأمن اللي تقدر
فيه تكون نفسها وتعبر عن اللي جواها من غير تكلف وتفكير كتير وحسابات لكلام الناس
وقلنا وقالوا..
عايزة براح مع الأهل تلاقي فيه نفسها بدل توهة الحياة الصعبة في
الزمن ده..
وعايزة براح مع الأصحاب اللي فيه بتهون كل المشاكل ونقدر ننسي
بعض شوية من الهموم
وطبعا اكبر براح هو براح شريك الحياة اللي بيقسموه سوا وبيدوه
لبعض سوا مساحة واسعة مشتركة نرمي فيها اللي جوانا ونعيشه بكل تفاصيله.. نقبل بعض
فيه زي ما احنا من غير تمثيل ولا تجميل علشان يفضل براح مريح ونظيف مهما مرت عليه
سنين.. يفضل هو المكان اللي لما الدنيا بتقفل وتضيق من كل اتجاه نلاقيه فاتح لنا
أبوابه وبيرحب بينا بكل راحة وإرتياح...
Sarah
4-6-2015
No comments:
Post a Comment